Izrail zaklikaŭ nasielnictva poŭnačy siektara Haza evakujavacca na poŭdzień ciaham 24 hadzin
CHAMAS zaklikaŭ žycharoŭ «nie paddavacca na prapahandu i nie padparadkoŭvacca zahadam CACHAŁ ab evakuacyi».
13.10.2023 / 07:07
Malitva kala ciełaŭ zahinułych. Fota: Hatem Ali / AP
Kamandavańnie Armii abarony Izraila apaviaściła AAN, što ŭsio nasielnictva paŭnočnych rajonaŭ siektara Hazy pavinna być evakujavana na poŭdzień siektara ŭ najbližejšyja 24 hadziny, piša newsru.co.il.
Pra heta paviedamiŭ pradstaŭnik AAN, adznačyŭšy, što na poŭnačy siektara Hazy pražyvaje kala 1,1 miljona čałaviek.
CHAMAS zaklikaŭ žycharoŭ siektara Hazy «nie paddavacca na prapahandu i nie padparadkoŭvacca zahadam CACHAŁ ab evakuacyi».
Raniej Upraŭleńnie AAN pa kaardynacyi humanitarnych pytańniaŭ abviaściła, što bolš za 423 tysiačy čałaviek u siektary Hazy byli vymušanyja pakinuć damy paśla pačatku vajny ź Izrailem.
Ahienctva AAN pa akazańni dapamohi paleścinskim uciekačam paviedamlaje, što ŭ ich prytułak u siektary prybyli bolš za 150 tysiač žycharoŭ, i pamiaškańni zapoŭnienyja na 100%.
Čakajecca evakuacyja biežancaŭ na terytoryju Jehipta, u El-Aryš.
Čytajcie taksama:
Zatrymali adnaho ź lidaraŭ CHAMAS, śpikiera parłamienta Paleściny Aziza Duejka
Nietańjachu apublikavaŭ fota zabitych i spalenych izrailskich niemaŭlat. Aściarožna, žorstkija kadry
Ambasada Biełarusi ŭ Izraili — biełarusam: samaloty lotajuć, KPP pracujuć