Mužčyna raskleiŭ intymnyja fota byłoj kachanki ŭ padjeździe ŭ Baranavičach
U milicyju horada Baranavičy źviarnułasia 46-hadovaja žančyna. Jana raskazała, što, viarnuŭšysia dadomu, pabačyła svaje intymnyja fota ŭ padjeździe i paštovych skryniach, piša UUS Bresckaha abłvykankama.
13.10.2023 / 18:15
Supracoŭniki Baranavickaha HAUS vyśvietlili, što da zdareńnia datyčny były sužyciel žančyny, 52-hadovy žychar Salihorska.
Mužčyna raskazaŭ milicyjantam, što intymnyja zdymki zrabiŭ ź videa, što dasyłała jamu na mabilny telefon padčas sumiesnaha žyćcia byłaja kachanka.
Kali para razyšłasia, pakryŭdžany mužčyna vyrašyŭ adpomścić. Jon pryjechaŭ u Baranavičy, paznajomiŭsia kala kramy ź miascovym žycharom i paprasiŭ taho za ałkahol raspaŭsiudzić zdymki ŭ padjeździe.
Zaviedziena kryminalnaja sprava za vyrab i raspaŭsiudžvańnie parnahrafičnych materyjałaŭ.