CHAMAS padziakavaŭ Pucinu za pazicyju nakont siektara Haza
U tym liku za «namahańni Rasii, nakiravanyja na spynieńnie sijanisckaj ahresii».
14.10.2023 / 09:40
Uładzimir Pucin padčas samitu kiraŭnikoŭ krain SND. Fota: kremlin.ru
Ruch CHAMAS padziakavaŭ Uładzimiru Pucinu za pazicyju, jakaja «adchilaje ahresiju i błakadu Hazy», a taksama za «namahańni Rasii, nakiravanyja na spynieńnie sijanisckaj ahresii». Pra heta havorycca ŭ zajavie arhanizacyi, raspaŭsiudžanaj u noč na 14 kastryčnika, piša «Mieduza».
Napiaredadni Pucin na pasiadžeńni Samitu kiraŭnikoŭ krain SND zajaviŭ, što paleścina-izrailski kanflikt pavinien być vyrašany mirnymi pieramovami. A metaj hetych pieramovaŭ prezident RF nazvaŭ «stvareńnie niezaležnaj paleścinskaj dziaržavy sa stalicaj va Uschodnim Jerusalimie».
Takuju ž pazicyju — ab nieabchodnaści stvareńnia niezaležnaj paleścinskaj dziaržavy — Pucin ahučyŭ u razmovie z prezidentam Turcyi Erdahanam u aŭtorak.
Pastajanny pradstaŭnik RF pry AAN Vasil Niabienzia napiaredadni zajaviŭ pra hatoŭnaść Rasii da pasiarednictva ŭ kanflikcie na Blizkim Uschodzie i pradstaviŭ prajekt rezalucyi ab spynieńni ahniu.
Čytajcie taksama:
Pucin: Izrail padvierhnuŭsia žorstkaj atacy i maje prava na abaronu
CACHAŁ: U siektary Haza likvidavany adzin z arhanizataraŭ «subotniaj raźni»