Apazicyja pieramahaje na vybarach u Polščy — ekzit-poł
U Polščy zaviaršylisia parłamienckija vybary i ahulnanacyjanalny refierendum. Z zakryćciom učastkaŭ źjavilisia pieršyja vyniki ekzit-poła sacyjałahičnaj słužby IPSOS.
15.10.2023 / 22:18
Donald Tusk, lidar Hramadzianskaj kaalicyi, moža znoŭ stać premjer-ministram Polščy paśla vybaraŭ 15 kastryčnika 2023 hoda. Fota: AP Photo / Petr David Josek
Kansiervatyŭna-nacyjanalistyčnaja partyja «Zakon i spraviadlivaść» (PiS), jakaja była va ŭładzie z 2015 hoda, nabiraje 36,8%.
Libieralnaja «Hramadzianskaja kaalicyja» na čale z kolišnim premjeram Polščy Donaldam Tuskam nabiraje 31,6%.
«Treci šlach» — abjadnańnie «Polščy 2050» eks-kandydata ŭ prezidenty Šymona Hałoŭni i Polskaj sialanskaj partyi — 13%.
«Lavica» — 8,6%.
Jeŭraskieptyčnaja i antyŭkrainskaja partyja «Kanfiederacyja» źbiraje 6,2%
Kali realnyja vyniki vybaraŭ supaduć z vynikami ekzit-poła, urad stvoryć kaalicyja libierałaŭ, «Treciaha šlachu» i «Lavicy».
Pieradvybarnaja baraćba była haračaj, i hramadstva mabilizavałasia. Kolkaść ludziej, jakaja hałasavała, była rekordnaj dla Polščy (tam na vybary nichto nie zahaniaje) — 73%.