Выйшла на волю культурная менеджарка Міа Міткевіч
За кратамі яна правяла 955 дзён.
16.10.2023 / 16:46
Міа Міткевіч
Міа — менеджарка ў сацыяльна-культурнай сферы з Мінска, арт-дырэктарка івэнт-агенцтва Nuestro Amor. У дзяўчыны дзве вышэйшыя адукацыі: яна скончыла Універсітэт культуры і Маскоўскі дзяржаўны інстытут культуры і мастацтваў. Таксама ў яе свой бізнэс у сферы кінавытворчасці.
Міткевіч абвінавацілі ў распальванні сацыяльнай варожасці па прыкмеце прыналежнасці да пэўнай сацыяльнай групы па ч. 1 арт. 130 КК. 20 мая 2021-га Мінскі гарадскі суд асудзіў яе да 3 гадоў калоніі агульнага рэжыму.
11 кастрычніка Міа выйшла на волю з гомельскай калоніі № 4, цалкам адбыўшы тэрмін. У зняволенні яна адбыла 955 дзён, піша «Вясна».
Чытайце таксама:
Выйшла на волю шматдзетная маці Іна Панова