U balnicu ŭ Hazie patrapiła rakieta, zahinuli sotni ludziej. Baki vinavaciać adzin adnaho
Ministerstva achovy zdaroŭja siektara Haza (padraździaleńnie CHAMASa) zajaviła, što izrailskaja rakieta patrapiła ŭ budynak balnicy ŭ Hazie, z-za čaho zahinuła šmat ludziej. Izrailski bok śćviardžaje, što rakieta naležała samomu CHAMASu.
17.10.2023 / 23:16
Fota: Getty Images
Ministerstva achovy zdaroŭja CHAMASa paviedamiła, što ŭ aŭtorak Izrail avijaŭdaram trapiŭ u balnicu Haza, pierapoŭnienuju paranienymi. Viedamstva paviedamiła, što pry hetym mahło zahinuć prynamsi 500 čałaviek, a jašče sotni znachodziacca pad zavałami. Pavodle inšych krynic, u balnicy zahinuli prynamsi 200 čałaviek.
Izrailski bok admaŭlaje prynaležnaść rakiety da Izraila. CACHAŁ abvinavaciŭ u zapusku rakiety paleścinskuju hrupoŭku «Isłamski džychad», a izrailski telekanał «i24» paviedamiŭ, što heta mahło być nastupstvam niaŭdałaha zapusku rakiety z boku CHAMASa.
Takoha ž mierkavańnia trymajucca i OSINT-analityki, jakija ličać, što na kadrach z Hazy, chutčej za ŭsio, vyjaŭlena pryziamleńnie rakiety CHAMASa, a nie nastupstvy avijacyjnaha ŭdaru CACHAŁa.
Čytajcie taksama:
Pucin i Nietańjachu pa telefonie abmierkavali situacyju ŭ Izraili i siektary Haza
Što ciapier z adpačynkam u Jehipcie, jaki miažuje ź Izrailem i siektaram Haza