Pieršy vice-prezident Irana prapanavaŭ Łukašenku asudzić «sijaniscki hienacyd» u Hazie
Pieršy vice-prezident Irana Machamied Machbier prylacieŭ učora z adnadzionnym vizitam u Minsk. Iranskaje infarmacyjnaje ahienctva IRNA raskazała padrabiaznaści abmierkavańnia situacyi vakoł siektara Haza. Biełaruskija dziaržaŭnyja ŚMI hety momant abminuli.
18.10.2023 / 07:14
Alaksandr Łukašenka i Machamied Machbier. Fota: BiełTA
Łukašenka vykazaŭ škadavańnie nakont humanitarnaha kryzisu ŭ Hazie, zaklikaŭšy mižnarodnuju supolnaść «nieadkładna pryniać miery, kab spynić vajnu i raźniu ŭ hetym rehijonie».
Machbier asudziŭ «sijaniscki hienacyd u Hazie», zaklikaŭšy Łukašenku vystupić suprać «pryhniotu naroda Paleściny, kab dapamahčy pakłaści kaniec hetym złačynstvam».
Ni pres-słužba Łukašenki, ni BiełTA pra hety momant razmovy nie zhadali.
Taksama IRNA zhadała, što Machbiera padčas vizitu ŭ Minsk supravadžali ministr pramysłovaści, šachtaŭ i handlu Abas Alijabadzi, ministr nafty Džavad Aŭdžy i ministr sielskaj haspadarki Machamad-Ali Nikbacht.
Čytajcie taksama:
U Minsk pryjechaŭ pieršy vice-prezident Irana
U balnicu ŭ Hazie patrapiła rakieta, zahinuli sotni ludziej. Baki vinavaciać adzin adnaho