ЦАХАЛ паказаў здымкі бальніцы «Аль-Ахлі» ў Газе да і пасля выбуху: сцвярджае, што няма слядоў авіяўдару
Тым часам у Газе заяўляюць пра 800 загінулых.
18.10.2023 / 09:48
Армія абароны Ізраіля (ЦАХАЛ) паказала здымкі тэрыторыі бальніцы «Аль-Ахлі» ў Газе да і пасля выбуху, які адбыўся ўчора вечарам, піша newsru.co.il.
Прэс-служба ЦАХАЛ
На здымках відаць, што шкода была нанесена аўтамабілям на стаянцы каля бальніцы, а таксама дахаv некалькіх будынкаў. Але ніякіх слядоў выбуху авіябомбы няма. У выпадку разрыву авіябомбы шкода была б значна больш значнай і павінна была ўтварыцца варонка, сцвярджае ЦАХАЛ.
Прэс-служба ЦАХАЛ
ЦАХАЛ працягвае настойваць на тым, што прычынай выбуху стала падзенне ракеты, выпушчанай баевікамі «Ісламскага джыхаду» па ізраільскай тэрыторыі.
Тым часам у Газе заяўляюць пра 800 загінулых у выніку ўдару па бальніцы.
Ізраільскі бок не валодае дакладнымі данымі аб колькасці ахвяр у выніку гэтага выбуху. Але вельмі імаверна, каб пры такім здары былі сотні загінулых, як заяўляе падкантрольны ХАМАС Міністэрства аховы здароўя Газы.
Ізраіль перадаў ЗША сабраную ім разведвальную інфармацыю датычна выбуху ў шпіталі « Аль-Ахлі». У прыватнасці, былі перададзеныя запісы перахопленых размоў у Газе і іншая інфармацыя, сабраная рознымі сродкамі.
17 кастрычніка ў 19:19 у палесцінскіх СМІ з'явіліся першыя паведамленні аб выбуху ў бальніцы «Аль-Ахлі» ў цэнтральнай частцы сектара Газы.
У момант выбуху тэлеканал «Аль-Джазіра» вёў рэпартаж з сектара Газы, у кадр трапіў запуск ракеты ў бок Ізраіля і яе падзенне неўзабаве пасля запуску.
Чытайце таксама:
Пасля ўдару па бальніцы ў Газе Іарданія адмяніла чатырохбаковы саміт з удзелам Джо Байдэна
У бальніцу ў Газе патрапіла ракета, загінулі сотні людзей. Бакі вінавацяць адзін аднаго
ААН: Больш за мільён чалавек пакінулі свае дамы ў сектары Газа