Dzianisa Chachłova, jakoha zatrymali ŭ Kabardzina-Bałkaryi i vydvaryli z Rasii, buduć sudzić za ŭdzieł u pratestach
Dzianis rodam z Kruhłaha, jon ajčym asudžanaha za ŭdzieł u pratestach Uładzisłava Łahucienki, piša «Viasna».
18.10.2023 / 11:11
Dzianis Chachłoŭ
Mužčyna žyŭ u Rasii ź lutaha 2023 hoda, kudy źjechaŭ ad pieraśledu ŭ Biełarusi. Z Rasii jon źbiraŭsia pierajechać u Hruziju, ale 11 červienia byŭ zatrymany ŭ Kabardzina-Bałkaryi praz toje, što znachodziŭsia ŭ miždziaržaŭnym vyšuku na zapyt Biełarusi.
Na čas pravierki jaho źmiaścili ŭ IČU, adnak prakuratura pryjšła da vysnovy, što jahonyja dziejańni nie ličacca złačynstvam na terytoryi Rasii.
Ale mužčynu nie vyzvalili i skłali administracyjny pratakoł za pieravyšeńnie terminu znachodžańnia ŭ Rasii biez rehistracyi. Sud pryznačyŭ jamu administracyjnaje vydvareńnie ŭ Biełaruś.
Stała viadoma, što 26 kastryčnika ŭ Škłovie Dzianisa Chachłova pačnuć sudzić za ŭdzieł u akcyjach pratestu (art. 342 KK). Spravu budzie razhladać sudździa Alaksandr Tarakanaŭ.
Padtrymajcie mužčynu hrašovymi pieravodami i pasyłkami: Turma № 4, 212011, h. Mahiloŭ, vuł. Krupskaj, 99A.
Čytajcie taksama:
Dvuch žycharoŭ Dokšyckaha rajona asudzili za zdymki ŭ «Adnakłaśnikach»
U Naroŭli zaviali kryminalnuju spravu suprać žycharki Homiela