Izrail publikuje hutarku, jak śćviardžajecca, pamiž bajevikami CHAMAS. Tyja abmiarkoŭvajuć zapusk rakiety pa balnicy ŭ siektary Haza «Isłamskim džychadam»
Ministerstva zamiežnych spraŭ Izraila apublikavała, jak śćviardžaje, pierachoplenuju razmovu pamiž dvuma bajevikami CHAMAS, u jakoj jany abmiarkoŭvajuć, što balnica «Al-Achli» ŭ Hazie była atakavanaja rakietaj, vypuščanaj ź siektara Haza.
18.10.2023 / 11:29
— Heta pieršy vypadak, kali my bačym takoje padzieńnie rakiety.
— Kažuć, što jana naležyć paleścinskamu «Isłamskamu džychadu». Jany havorać, što askiepki ad miascovaj rakiety, a nie ad izrailskaj. <…>
— Jany stralali pa cemientnym zavodzie za balnicaj «Al-Maamadani». Snarad daŭ asiečku i ŭpaŭ, — kažuć surazmoŭcy.
17 kastryčnika ŭ 19:19 u paleścinskich ŚMI źjavilisia pieršyja paviedamleńni ab vybuchu ŭ balnicy «Al-Achli» ŭ centralnaj častcy siektara Haza. Paźniej vyśvietliłasia, što ŭ balnicu ŭ Hazie patrapiła rakieta. Paleścincy zajavili pra bolš čym 800 zahinułych. Baki vinavaciać adzin adnaho.
Čytajcie taksama:
Paśla vybuchu ŭ balnicy ŭ Hazie Iardanija admianiła čatyrochbakovy samit z udziełam Džo Bajdena
U balnicu ŭ Hazie patrapiła rakieta, zahinuli sotni ludziej. Baki vinavaciać adzin adnaho