Мінздароўя Газы заявіла, што ў выніку ўдару па бальніцы «Аль-Ахлі» загінуў 471 чалавек. Ізраіль сумняецца
Міністэрства аховы здароўя Газы таксама заявіла пра амаль 3500 забітых з пачатку ваеннага канфлікту. Прычым у гэтых звестка не ўлічваецца ліквідацыя не менш за 1500 тэрарыстаў на тэрыторыі Ізраіля, піша newsru.co.il.
18.10.2023 / 15:40
Фота: прэс-служба ЦАХАЛ
Мінздароўя Газы адзначае, што сярод забітых і параненых мноства жанчын і дзяцей.
Яно заявіла пра 471 забітага і 314 параненых у выніку ўдару па бальніцы «Аль-Ахлі». 28 чалавек у крытычным стане.
Newsru.co.il адзначае, што звесткі аб ахвярах удару каля бальніцы «Аль-Ахлі» выглядаюць абсалютна непраўдападобна на фоне кадраў з месца здарэння, на якіх відаць да 20 аўтамабіляў на паркоўцы, якім была нанесена шкода, але не відаць ніякіх разбураных будынкаў і бальнічных памяшканняў.
Улады Ізраіля сцвярджаюць, што каля бальніцы «Аль-Ахлі» выбухнула ракета, «няўдала» выпушчаная з сектара Газа, а ЦАХАЛ да гэтай трагедыі недатычны.
Чытайце таксама:
У бальніцу ў Газе патрапіла ракета, загінулі сотні людзей. Бакі вінавацяць адзін аднаго