«Hałoŭnaje, što šmat biełarusaŭ vykazali słovy padtrymki». Cichanoŭskaja prakamientavała reakcyju na svajo intervju «Novoj hazietie»
Śviatłana Cichanoŭskaja vystupiła z kamientaryjem adnosna nie zaŭsiody prychilnych reakcyj, jakoje vyklikała ŭ rasijan jaje intervju «Novoj hazietie».
18.10.2023 / 21:42
«Ciapier vakoł majho intervju «Novoj hazietie» šmat vostrych abmierkavańniaŭ.
Ale dla mianie hałoŭnaje, što šmat biełarusaŭ u svaich sacsietkach vykazali słovy padtrymki i jašče raz pakazali ahulnaść našych pohladaŭ. Bo hałoŭnaje dla nas i dla našaj krainy ciapier — samastojnaść u pryniaćci rašeńniaŭ, palityčnaja niezaležnaść i adzinstva ŭ pazicyjach zachavańnia suvierenitetu.
Ja zaŭsiody radaja zvarotnaj suviazi i starajusia da jaje prysłuchoŭvacca. I paviercie, vašy słovy — važnaja acenka majoj pracy», — zajaviła Cichanoŭskaja.
Padčas svajho intervju Cichanoŭskaja niekalki razoŭ padkreśliła, što pamiž rasijanami i biełarusami jość istotnaja roźnica, tamu, naprykład, niespraviadliva ŭvodzić dla ich u Jeŭropie adnolkavyja abmiežavańni. Niekatoryja rasijskija apazicyjaniery aburylisia jaje słovami, i heta vyklikała vostryja dyskusii.
Čytajcie taksama:
Cichanoŭskaja dała intervju, ad jakoha ŭ rasijskaj apazicyi pałychnuła. Što zdaryłasia?
Dla Ofisa Cichanoŭskaj praviali finansavy aŭdyt. Ci znajšli parušeńni?