Mahiloviec atrymaŭ try hady kałonii za vyjavu Łukašenki ŭ formie SS
7 vieraśnia sud Kastryčnickaha rajona prysudziŭ 30-hadovaha žychara Mahilova Arcioma Łapikava da realnaha pazbaŭleńnia voli za dopis u instahramie.
19.10.2023 / 06:58
Paśla vybaraŭ u žniŭni 2020 hoda Łapikaŭ raźmiaściŭ u siabie na staroncy dopis z fatahrafijaj Alaksandra Łukašenki ŭ nacysckaj formie SS. Publikacyja supravadžałasia vieršam, tekst jakoha nieviadomy, piša Mayday.team.
Mužčynu abvinavacili ŭ paklopie na Łukašenku (art. 367 KK). Sud pryznaŭ jaho vinavatym i pryznačyŭ try hady kałonii. Sudździoj na pracesie vystupiła Žanna Puškina.
U lutym 2023 hoda Arcioma Łapikava zatrymlivali pavodle art. 19.11 KaAP. Tady jamu dali 15 sutak. Miarkujecca, što siłavyja struktury paśla hetaha stali pilna vyvučać jaho sacyjalnyja sietki. U vyniku ŭ pačatku žniŭnia jon znoŭ byŭ zatrymany i źmieščany pad vartu ŭžo ŭ ramkach kryminalnaha pracesu.
U Mahilovie Łapikaŭ pracavaŭ rabočym na budoŭli.
Čytajcie taksama:
Michaiła Łapunova asudzili da administracyjnaha aryštu piaty raz zapar
U Śvietłahorskim rajonie zatrymali dvuch bratoŭ za zamienu łukašenkaŭskaha ściaha na ŭkrainski
Za danaty biełaruskim dobraachvotnikam va Ukrainie prahramistu dali šeść hadoŭ kałonii