U Biełarusi možna zrabić test na schilnaść da zachvorvańniaŭ
Analiz biaruć u vyhladzie saskrebu sa ślizistaj unutranaha boku ščaki.
19.10.2023 / 08:43
Hienietyčny pašpart dapamahaje vyjavić schilnaść da mnohich surjoznych zachvorvańniaŭ. U Biełarusi jaho možna zrabić u Instytucie hienietyki i cytałohii Nacyjanalnaj akademii navuk. Daśledavańnie dapamahaje vyjavić schilnaść da 19 zachvorvańniaŭ, raspavioŭ žurnalistam namieśnik dyrektara pa navukovaj rabocie Instytuta hienietyki i cytałohii NAN Biełarusi Pavieł Marozik, piša Office Life.
Havorka idzie pra sardečna-sasudzistyja zachvorvańni, cukrovy dyjabiet, kaściova-ciahlicavyja, aŭtaimunnyja i inšyja chvaroby.
Pa słovach Marozika, dziakujučy takim daśledavańniam možna vyjavić najbolš raspaŭsiudžanyja mutacyi ŭ biełaruskaj papulacyi, a taksama vyznačyć hienietyčny profil nasielnictva.
Analiz biaruć u vyhladzie saskobu sa ślizistaj unutranaha boku ščaki.
Košt pašparta zaležyć ad kolkaści daśledavańniaŭ. Naprykład, na sajcie łabaratoryi hienietyki čałavieka NAN Biełarusi ŭkazana, što acenka ryzyki sardečna-sasudzistych zachvorvańniaŭ abyjdziecca ŭ 323 rubli.
Siudy ŭvachodziać daśledavańni na schilnaść da infarktu mijakarda, fibrylacyju pieradserca, flebatrambozu i trombaembalii lohačnaj arteryi.
Čytajcie taksama:
Biełaruś paprasiła dasłać joj iranskija leki — Ministerstva achovy zdaroŭja Irana
«Zvarotnaja vakcyna» dapamoža lačyć raśsiejany skleroz, dyjabiet 1 typu i reŭmatoidny artryt
Minzdaroŭja raskazała, kolki dziaciej sa SMA ŭžo atrymali samy darahi ŭ śviecie preparat