U Šviecyi biasśledna źnik 20-hadovy hulec «Miłana»
14 dzion nichto ničoha nie viedaje pra Emila Robaka, jaki znachodziŭsia ŭ arendzie ŭ šviedskaha «Norčepinha».
19.10.2023 / 14:09
Emil Robak. Skrynšot videa
Małady futbalist, jakomu 3 maja spoŭniłasia 20 hadoŭ, biasśledna źnik 14 dzion tamu. Na praciahu dvuch tydniaŭ Robak nie źjaŭlaŭsia na treniroŭkach svajoj kamandy, nie telefanavaŭ i ni pra što nie papiaredžvaŭ, piša Corriere della Sera.
Toni Marcinsan, spartyŭny dyrektar šviedskaha kłuba, pasprabavaŭ źviazacca ź im, ale nie atrymaŭ nijakaha adkazu, i hetaja situacyja adrazu ž vyklikała tryvohu. Robaka nidzie niama.
«Ja chaču viedać, ci ŭ paradku jon. Heta turbuje, što my nie možam źviazacca ź im, ale ja nie viedaju, što jašče my možam zrabić. Ja sprabavaŭ patelefanavać jamu šmat razoŭ, ale da jaho ciažka dabracca. Ja nie traču nadziei, što jon vierniecca, ale my nie bačyli jaho na praciahu 14 dzion», — skazaŭ Marcinsan.
U žniŭni 2020 hoda Robak pierabraŭsia ŭ «Miłan» sa šviedskaha «Chamarbiu». Try hady tamu jon ličyŭsia adnym z novych talentaŭ šviedskaha futboła, ale tak i nie znajšoŭ miesca ŭ «Miłanie». Tamu spačatku jon adpraviŭsia ŭ arendu ŭ Daniju, a zatym viarnuŭsia ŭ Šviecyju.
Čytajcie taksama:
«Heta najhoršy momant u maim žyćci». Niejmar vybyŭ bolš čym na paŭhoda
Rusłan Lisakovič ahresiŭna čaplaŭsia da ludziej, a potym mocna ŭdaryŭsia hałavoj ab asfalt — Trybuna