U Minsku pierakryjuć adzin z puciepravodaŭ
Ruch usich vidaŭ transpartu spyniać na ŭsie vychodnyja.
20.10.2023 / 08:04
Ramont mosta, jaki źviazvaje vulicy Čkałava i Maskoŭskuju. Fota: Tochka.by
Časovaja miera źviazanaja z čarhovym etapam kapitalnaha ramontu mosta, piša Tochka.by.
Ruch spyniać na ŭčastku z vulicy Maskoŭskaj da vulicy Čkałava. Abmiežavańnie budzie doŭžycca z 01:00 u noč na subotu da 23:55 niadzieli.
Abjechać pierakryty ŭčastak možna praz vulicy Varanianskaha, Žukoŭskaha, Suražskuju, Čyhunačnuju i praśpiekt Žukava.
Jak pajedzie hramadski transpart
Ruch tralejbusaŭ № 27, 51 i aŭtobusa № 53 z boku DS «Družnaja» budzie arhanizavany pa vulicach Tałstoha, Mahiloŭskaj, Čkałava i dalej pa maršrutach. U zvarotnym kirunku jany buduć ruchacca pa vulicach Bryleŭskaj, Varanianskaha, Žukoŭskaha, Tałstoha.
Aŭtobusy № 40 i 100 ad praśpiekta Niezaležnaści pajeduć pa vulicy Babrujskaj, płoščy Miaśnikova, vulicach Maskoŭskaj, Tałstoha, Mahiloŭskaj, Čkałava i dalej pa maršrutach. U zvarotnym kirunku transpart budzie ruchacca ad vulicy Bryleŭskaj pa vulicach Varanianskaha, Žukoŭskaha, Mahiloŭskaj, Tałstoha, Vakzalnaj, Suražskaj, Maskoŭskaj i dalej pa maršrutach.
Ruch aŭtobusaŭ № 73 ad vulicy K.Cetkin budzie arhanizavany pa vulicach Maskoŭskaj, Tałstoha, Mahiloŭskaj, Čkałava i dalej pa maršrucie. U zvarotnym kirunku transpart budzie ruchacca pa vulicach Bryleŭskaj, Varanianskaha, Žukoŭskaha, Mahiloŭskaj, Tałstoha, Maskoŭskaj, K. Cetkin i dalej pa maršrucie.
Na sajcie «Minsktransa» taksama pryviedzieny abjaznyja maršruty dla aŭtobusaŭ № 163, 4, 47s i pryharadnaha № 429.
Pasažyram varta źviarnuć uvahu na toje, što na čas zakryćcia ruchu z transpartnaha absłuhoŭvańnia vyklučajecca prypynačny punkt «Akademija kiravańnia» pa vulicy Maskoŭskaj u napramku vulicy Čkałava. Aŭtobusy i tralejbusy ŭ napramku mikrarajona «Kurasoŭščyna» buduć ruchacca praz prypynačny punkt «Pryhožy» pa vulicy Mahiloŭskaj.
Ramont puciepravoda Maskoŭskaja — Čkałava
Daŭžynia rekanstrujavanaha mosta — 300 m. Z-za apadkaŭ i soli belki kanstrukcyi stali słabymi, patreskalisia. Tamu pry ich demantažy prapanoŭvałasia dziejničać aściarožna: spačatku belki chacieli ŭzmacnić i tolki zatym prybrać. U advarotnym vypadku bajalisia abvału.
U siaredzinie vieraśnia ŭłady zajavili ab paskoranych tempach rekanstrukcyi puciepravoda. U toj čas budaŭniki vykonvali mantaž pralotaŭ.
«Kali taki temp zachavajecca, u listapadzie budzie vykanany kompleks rabot, jaki dazvalaje zapuścić ruch pa hetaj pałovie puciepravoda i prystupić da kapramontu druhoj», — anansavaŭ tady dyrektar pradpryjemstva «Hardarbud» Siarhiej Panieŭ.
Na jaho dumku, dalejšy ramont pavinien prajści chutčej, bo častka rabot — arhanizacyja abjezdaŭ, prajezdaŭ praz čyhunku — užo vykanana ŭ składzie pieršaha etapu kapramontu.