Minskuju jurystku asudzili pa vaśmi epizodach na paŭtara hoda kałonii za ŭdzieł u akcyi pratestu
U sudzie Leninskaha rajona Minska asudzili Inu Bahdanavu pavodle č. 1 art. 342 (arhanizacyja i padrychtoŭka dziejańniaŭ, što hruba parušajuć hramadski paradak).
20.10.2023 / 11:59
Dom pravasudździa ŭ Minsku. Fota: spring96.org
Minčanku abvinavacili va ŭdziele ŭ akcyjach pratestu ŭ 2020 hodzie, vychadzie na prajeznuju častku i pierakryćci ruchu hramadskaha transpartu, piša «Viasna».
Jana častkova pryznała vinu, ale ad pakazańniaŭ nie admoviłasia. Žančyna paviedamiła, što brała ŭdzieł u pratesnych akcyjach jak pabočnaja naziralnica, a nie jak udzielnica. A na prajeznuju častku vychodziła vyklučna z metaj fatahrafavańnia.
Ina Bahdanava maje vyšejšuju adukacyju, pracavała juryskonsultam u terytaryjalnym centry sacyjalnaha absłuhoŭvańnia nasielnictva. Da suda ŭtrymlivałasia pad vartaj.
Sudździa Anastasija Ačałava dała joj paŭtara hoda kałonii.
Čytajcie taksama:
Byłoha palitviaźnia Andreja Kudzika pakarali za vinšavańnie Ukrainy z Dniom niezaležnaści
Mahiloviec atrymaŭ try hady kałonii za vyjavu Łukašenki ŭ formie SS
U Śvietłahorskim rajonie zatrymali dvuch bratoŭ za zamienu łukašenkaŭskaha ściaha na ŭkrainski