Mahiloŭca zatrymali za ŭdzieł u marafonie salidarnaści z palitviaźniami ŭ 2021-m
Jon prajechaŭ na rovary 23.34 kiłamietra.
20.10.2023 / 14:51
Vadzim Kaškur. Fota: jahonaja staronka «UKantakcie»
Vadzimu Kaškuru 39 hadoŭ. Jon z Mahilova. U 2007-m skončyŭ Mahiloŭski dziaržaŭny ŭniviersitet Kulašova pa śpiecyjalnaści «Pravaznaŭstva», a paśla zavočna skončyŭ mahistraturu. Lubić futboł.
Pracavaŭ na niekalkich zavodach, u MNS, niejki čas byŭ juryskonsultam. Ciapier pracuje ŭ Mahiloŭskim dziaržaŭnym mašynabudaŭničym kaledžy.
Zatrymali jaho za toje, što ŭ 2021-m jon paŭdzielničaŭ u #MARATHONFORFREEDOM, jaki ładziŭ Biełaruski fond spartovaj salidarnaści ŭ padtrymku palitviaźniaŭ. Mužčyna prajechaŭ 23.34 kiłamietra na rovary. Jon pisaŭ pra marafon i svoj udzieł u im z ułasnaj staronki ŭ instahramie.