Kiraŭnik «DNR» uznaharodziŭ prapahandysta Sałaŭjova zvańniem Hieroja
Kiraŭnik akupavanaj «DNR» Dzianis Pušylin zajaviŭ, što prysvoiŭ rasijskamu prapahandystu Uładzimiru Sałaŭjovu zvańnie «Hieroja DNR».
23.10.2023 / 12:09
Uładzimir Sałaŭjoŭ. Fota: Dzianis Pušylin / Telegram
«Akramia infarmacyjnaha frontu, na jakim Uładzimir Rudolfavič aktyŭna padtrymlivaje Danbas doŭhija hady supraćstajańnia, jon uvieś pieryjad SVA (tak rasijskaja prapahanda nazyvaje vajnu va Ukrainie. — «NN») — časta na pieradavoj. Mała zastałosia miescaŭ, dzie jon nie pabyvaŭ — u samaj huščy padziej, pryčym toje, što jon robić, jak dapamahaje, šmat u čym zastajecca za kadram», — zajaviŭ pryznačany Rasijaj «kiraŭnik» akupavanaj častki Danieckaj vobłaści Ukrainy.
Uładzimir Sałaŭjoŭ — samaja adyjoznaja fihura rasijskaj prapahandy. U 2022 hodzie ES, ZŠA, Kanada, Vialikabrytanija i inšyja krainy ŭviali suprać jaho piersanalnyja sankcyi.