Усяго патроху

У Жодзіне камунальнікі імітавалі касьбу па жоўтай лістоце, бо «атрымалі заданне з пэўным аб'ёмам працы» ВІДЭА

На праспекце Міру ў Жодзіне работнік ЖКГ трымерам апрацаваў зону, дзе ляжыць апалае лісце. Па словах відавочцаў, гэта адбывалася 19 кастрычніка. Мясцовы жыхар заўважыў дзіўнае дзеянне і зняў яго праз акно, паведамляе выданне Ex-press.by.

«Гэта ж трэба, за ўсё лета ў нас толькі пару разоў працавала газонакасілка, трава была да пояса. А тут такое: работнік ЖЭУ на самай справе косіць лісце», — расказалі відавочцы.

@expressby Работник ЖКХ косит траву под окнами дома на проспекте Мира в Жодино. #expressby #видеоновости #Жодино #zhodino #жкх ♬ трава у дома by земляне - vēdros dāria

Падобныя дзеянні назіраюцца не ўпершыню, такія фота і відэа з Жодзіна і Барысава дасылалі чытачы Ex-press.by і летась.

Работнік ЖКГ косіць траву ў 8-м мікрараёне Жодзіна. Фота: архіў Ex-press.by

У пачатку лістапада 2021 года такую ж працу камунальнікаў назіралі ў Барысаве.

«Касцы не вінаватыя, што апалае лісце не паспелі прыбраць. А свае абавязкі яны павінны выканаць, бо раніцай на планёрцы атрымалі заданне з пэўным аб'ёмам працы, якую трэба зрабіць», — пракаментавалі відэа ва УП «Жыллё».

Чытайце таксама:

Віцябчук адсудзіў у камунальнікаў і «Белдзяржстраха» амаль 14 тысяч рублёў за кватэру. Яе цягам двух месяцаў залівала двойчы

Ці можна не плаціць за рамонт у падʼездзе, які робяць камунальнікі?

«Хтосьці, здаецца, падаў у гэта лайно па самыя вушы». Чаму ў Беларусі прарывае каналізацыю

Каментары да артыкула