Sudździ ź Biełarusi buduć pracavać na matčach futbolnaj rasijskaj premjer-lihi
«Ź biełarusami my padpišam pahadnieńnie na hetym tydni», — skazaŭ staršynia sudziejskaha kamiteta Rasijskaha futbolnaha sajuza Pavieł Kamancaŭ.
24.10.2023 / 12:21
Fota: Priessboł
Staršynia sudziejskaha kamiteta Rasijskaha futbolnaha sajuza Pavieł Kamancaŭ zajaviŭ, što najbližejšym časam arbitry ź Biełarusi buduć pracavać na matčach Rasijskaj premjer-lihi, paviedamlaje Priessboł.
«Na ŭzroŭni RPŁ varta čakać arbitraŭ z Saudaŭskaj Aravii. Taksama — Katara i Biełarusi. Jak chutka? Z Saudaŭskaj Aravijaj my zafiksavali ŭsie jurydyčnyja momanty, ciapier my budziem unosić źmieny ŭ rehłamient Rasijskaj futbolnaj premjer-lihi.
Ź biełarusami my padpišam pahadnieńnie na hetym tydni, techničnyja pytańni my ŭsie abmierkavali, jano budzie niekalki bolš šyrokim, budzie mieć na ŭvazie navučańnie sudździaŭ u Rasii na bazie našaha VAR‑centra», — skazaŭ Kamancaŭ.
Čytajcie taksama:
U Rasii prapanavali dałučacca biełaruskim futbolnym kłubam
Biełaruski trenier zrabiŭ «Ardabasy» čempijonam Kazachstana pa futbole