U Piaskova spytali nakont zdaroŭja i dvajnikoŭ Pucina
Čutki nakont kiepskaha zdaroŭja prezidenta Rasii Uładzimira Pucina, jaki nibyta nie pakidaje bunkiera, a ŭsie sustrečy pravodziać jaho dvajniki, dajšli da Kramla. Chto i jak mienavita zadaŭ takoje pytańnie pres-sakrataru Kramla Dźmitryju Piaskovu, nie paviedamlajecca. Ale kanał žurnalistaŭ z kramloŭskaha puła apublikavaŭ adkaz Piaskova.
24.10.2023 / 13:01
Uładzimir Pucin u Dzierbiencie abdymaje nieznajomuju dziaŭčynku, jakaja paprasiła ź im sfatahrafavacca. Fota: Gavriil Grigorov, Sputnik, Kremlin Pool Photo via AP
«Nijakich niama dvajnikoŭ». U Kramli adnieśli paviedamleńni ab dvajnikach Pucina da katehoryi absurdnych infarmacyjnych kačak. I zaadno supakoili z nahody zdaroŭja prezidenta: «Ź im usio dobra, heta čarhovaja kačka» — pieradaje adkaz Piaskova kanał.
Pavyšanaja ŭvaha Pucina da svajho zdaroŭja nie adnojčy stanaviłasia pradmietam abmierkavańniaŭ. Z pačatku pandemii kavidu Pucin paźbiahaŭ asabistych kantaktaŭ. Žurnalistaŭ i inšych vizicioraŭ pierad sustrečaj z prezidentam RF sadžali na karancin, a na pieramovach Pucina z prezidentam Francyi pastavili čatyrochmietrovy stoł.
Tamu, kali Pucin źjaŭlajecca na publicy (naprykład, prychodzić u kvateru da nieznajomych ludziej u Maryupali abo abdymajecca ź nieznajomaj dziaŭčynaj u Dzierbiencie), vykazvajucca kanśpirałahičnyja teoryi, što heta robić jahony dvajnik.
Čytajcie taksama:
Dvajnik ci nie? Pajezdka Pucina ŭ Piekin znoŭ naradziła sprečki. Hladzim FOTY
Navošta Pucinu chirurh-ankołah? Vyjšła rasśledavańnie pra zdaroŭje prezidenta Rasii
Bunkierny dzied. Vyjšła rasśledavańnie pra padziemnyja schoviščy Pucina