Łatvijskaja armija pavialičyła svaju prysutnaść la ŭschodniaj miažy
U pamiežnym rehijonie nacsiły taksama aktyŭna dapamahajuć Dziaržaŭnaj pamiežnaj słužbie.
25.10.2023 / 10:44
Nacyjanalnyja ŭzbrojenyja siły (NUS) pavialičyli svaju prysutnaść la ŭschodniaj miažy krainy. Pra heta paviedamiŭ kamandujučy Nacyjanalnymi ŭzbrojenymi siłami Leanid Kałnińš, piša Delfi.lv.
Pavodle jaho, u pamiežnym rehijonie nacsiły taksama aktyŭna dapamahajuć Dziaržaŭnaj pamiežnaj słužbie. Na dadzieny momant źmieniena i ŭdaskanalena sistema zabieśpiačeńnia, i ŭzbrojenyja siły stali značna bolš aktyŭna.
«U najbližejšy čas vy abaviazkova budziecie bačyć nas u hetym rehijonie značna bolš. My pavialičyli svoj kolkasny skład u hetym rehijonie, i ja dumaju, heta daść vyniki», — skazaŭ Kałnińš.
Što mienavita źmianiłasia ŭ stratehii NUS pa akazańni padtrymki pamiežnikam, jon nie ŭdakładniŭ, padkreśliŭšy, što nie varta davać dadatkovuju infarmacyju tym, chto praciahvaje płanavać sproby niezakonnaha pierasiačeńnia miažy Łatvii.
Kałnińš zajaviŭ, što vojska nie tolki pavialičyła svoj kolkasny skład na miažy, ale taksama i pašyryła koła zadač.
Čytajcie taksama:
Na miežach Biełarusi z Polščaj i Łatvijaj zahinuli try mihranty
Łatvija ŭviała abmiežavańni ŭ pavietranaj prastory nad miažoj ź Biełaruśsiu