Ізраіль асудзіў візіт прадстаўнікоў ХАМАС у Расію і заклікаў «неадкладна выгнаць тэрарыстаў»
МЗС Ізраіля выпусціў заяву з нагоды сённяшняга візіту прадстаўнікоў ХАМАС у Маскву.
26.10.2023 / 20:53
«Ізраіль разглядае запрашэнне верхаводаў ХАМАС у Маскву як няварты крок, які дае спадарожны вецер тэрору і легітымацыю зверствам тэрарыстаў ХАМАС. Мы заклікаем расійскі ўрад неадкладна выгнаць тэрарыстаў ХАМАС», — гаворыцца ў заяве Міністэрства замежных спраў Ізраіля.
ХАМАС у заяве называецца «тэрарыстычнай арганізацый, горшы за ІГІЛ».
26 кастрычніка ў Маскве прайшлі перамовы з дэлегацыяй ХАМАС. МЗС Расіі паведаміў, што на сустрэчы абмяркоўвалася, «вызваленне замежных закладнікаў, якія знаходзяцца на тэрыторыі сектара Газа».
Прэс-сакратар прэзідэнта РФ Дзмітрый Пяскоў паведаміў, што кантактаў Уладзіміра Пуціна з дэлегацыяй ХАМАС не плануецца.