U Minsku sudziać vykładčyc univiersitetaŭ i zahadčycu studenckaha internata za ŭdzieł u demanstracyjach
27.10.2023 / 10:17
Sud Frunzienskaha rajona pačaŭ razhlad kryminalnaj spravy pavodle č. 1 art. 342 KK, zaviedzienaj na vykładčyc univiersiteta Natallu Sivickuju, Nadzieju Staravojtavu i zahadčycu studenckaha internata Alenu Drabudźka. Ich vinavaciać va ŭdziele ŭ akcyjach pratestu ŭ 2020 hodzie i padpiscy na «destruktyŭnyja» kanały.
Nadzieja Staravojtava, Natalla Sivickaja i Alena Drabudźka
Palitźniavolenaja Natalla Sivickaja da zatrymańnia pracavała dacentkaj kafiedry biełaruskaj i ruskaj moŭ Biełaruskaha dziaržaŭnaha ŭniviersiteta fizičnaj kultury, kandydat fiłałahičnych navuk. U videa ŭ praŭładnych kanałach jana kaža, što ŭdzielničała ŭ pratestach.
Nadzieja Staravojtava — vykładčyca biełaruskaj movy, kandydatka fiłałahičnych navuk i dacentka kafiedry biełaruskaj i ruskaj moŭ. Nadzieju zatrymali 23 lipienia. U videa jana kaža, što naviedvała mitynhi ŭ 2020 hodzie, padčas jakich vychodziła na darohu, nibyta zarehistravałasia ŭ płanie «Pieramoha» i była padpisanaja na «destruktyŭnyja» kanały.
Alenu Drabudźka zatrymali na pačatku žniŭnia. Jana pracavała zahadčycaj internata № 4 BDEU.
Praŭładnyja telehram-kanały śćviardžajuć, što žančyna «padbuchtorvała studentaŭ da ŭdziełu ŭ parušeńni zakona ŭ 2020 hodzie i ahitavała suprać ułady da hetaha času». Na videa zatrymanaja kaža, što ŭdzielničała ŭ adnoj ź mirnych akcyj pratestu ŭ 2020-m hodzie.
Spravu pryznačana razhladać sudździa Alena Bušava.
Čytajcie taksama:
U Škłovie vynieśli prysud Dzianisu Chachłovu. Jaho Rasija raniej vydała Biełarusi
Andrej Pačobut znachodzicca ŭ ŠIZA i nie atrymlivaje nieabchodnych lekaŭ