На Камароўцы прадаюць незвычайныя «яблыкі» — па 30 рублёў за штуку
Фрукт змяшчае шмат цукру, таму дыетычным яго ніяк не назавеш.
27.10.2023 / 16:38
Незвычайны фрукт знойдзены на Камароўскім рынку. Здзіўляе не толькі яго вонкавы выгляд, але і кошт, які за яго просяць, піша tochka.by.
«Яблыкі» прадаюцца ў азіяцкай краме, з чаго можна зрабіць выснову, што гэты дзіўны плод — выхадзец з субтрапічнага клімату.
Важыць адзін фрукт 500-600 г, а каштуе каля 30 рублёў.
Што гэта за фрукт?
Зялёны сэрцападобны плод, які прадаецца на Камароўцы, вельмі падобны на чэрымаю.
Радзімай гэтага фрукта прынята лічыць Эквадор, Калумбію і Балівію. Зараз жа яго экспартуюць у асноўным з Тайланда, Малайзіі і Кітая.
Сцвярджаецца, што смак чэрымоі залежыць ад мясцовасці яе вырастання. Але ў цэлым ён нагадвае сумесь банана, папаі, персіка і ананаса.
Паўкілаграма — гэта дробны фрукт. Плод гэтага дрэва можа дасягаць 3 кг.
Карысныя ўласцівасці
Чэрымоя змяшчае мноства карысных рэчываў: бялкі, вугляводы, фоліевую кіслату, кальцый, фосфар, жалеза, тыямін, глюкозу, фруктозу, а таксама арганічныя кіслоты — лімонную і бурштынавую.
У той жа час там вялікая колькасць цукру і вугляводаў, таму дыябетыкам варта ставіцца да яго з асцярогай.
Саспелыя плады звычайна ўжываюць у свежым выглядзе. Іх разразаюцць і з'ядаюць мякаць лыжкай.
Чытайце таксама:
На Камароўскі рынак пасля рамонту вярнулі знакамітыя скульптуры
На Камароўцы заўважылі мамордзіку. Што гэта такое і колькі каштуе?