Замах на Алега Царова быў спецаперацыяй СБУ — медыі
«Ён даўно быў у спісе здраднікаў, якія павінны адказаць за свае злачынствы», — сказала крыніца «Трухі».
27.10.2023 / 20:46
Алег Цароў. Фота: ura.ru
«Ён даўно быў у спісе здраднікаў, якія павінны адказаць за свае злачынствы. Цароў — абсалютна законная цэль. Гэта не проста фанатык «рускага свету», а чалавек, які асабіста прыехаў разам з расейскімі танкамі захопліваць Кіеў», — падкрэсліла інфармаваная крыніца ў каментары для тэлеграм-канала «Труха»
Па стане на вечар паведамляецца, што ў Царова патрапілі двума стрэламі з агнястрэльнай зброі. Паводле аператыўнай інфармацыі, стан Царова крытычны — дактары змагаюцца за яго жыццё.