Pamior amierykanski akcior Mećju Pery. Jon staŭ znakamitym paśla sieryjała «Siabry»
Amierykanski akcior Mećju Pery pamior va ŭzroście 54 hadoŭ. Pra jaho śmierć, spasyłajučysia na krynicy ŭ palicyi, pišuć LA Times i TMZ.
29.10.2023 / 08:38
Cieła akciora znajšli ŭ vańnie ŭ jaho domie ŭ Łos-Andželesie dniom 29 kastryčnika. Pryčyna śmierci Pery pakul nieviadomaja. Supracoŭniki słužby vyratavańnia prybyli na vyklik ab spynieńni serca. Pa słovach krynicy LA Times u pravaachoŭnych orhanach, palicyjanty nie znajšli śladoŭ hvałtu.
Akcior u svaich miemuarach, apublikavanych letaś, paviedamlaŭ, što pakutavaŭ na ałkaholnuju i narkatyčnuju zaležnaść, ale na miescy zdareńnia zabaronienych rečyvaŭ vyjaŭlena nie było, udakładniaje TMZ. Taksama Pery mieŭ prablemy sa zdaroŭjem.
Mećju Pery viadomy pa roli Čendlera ŭ sieryjale «Siabry», a taksama pa filmach «Dzieviać jardaŭ», «Tatu znoŭ 17» i inš.