Іран пагражае далучыцца да вайны супраць Ізраіля
Прэзідэнт Ірана Эбрагім Раісі заявіў, што Ізраіль сваімі дзеяннямі «перайшоў чырвоную рысу, якая можа прымусіць усіх прыняць меры», піша BBC.
29.10.2023 / 08:55
Прэзідэнт Ірана Эбрагім Раісі. Фота: Murat Gok / Anadolu via Getty Images
«Вашынгтон просіць нас нічога не рабіць, але яны працягваюць аказваць шырокую падтрымку Ізраілю. ЗША пасылалі сігналы «Восі супраціву», але атрымалі выразны адказ на поле бою», — напісаў ён у твітары.
У «Вось супраціву» ўваходзяць сілы на Блізкім Усходзе, у тым ліку ХАМАС, якіх падтрымлівае Іран.
Улады ЗША папярэджваюць Іран аб неабходнасці не ўмешвацца ў вайну, імкнучыся перадухіліць больш маштабны рэгіянальны канфлікт.
Раісі раней заяўляў, што Іран не мае намеру прытрымлівацца перасцярогаў ЗША.