Skradzieny z Chiersonskaha zaaparka janot znoŭ skradzieny. Ciapier jaho vyvieźli z vajennaj terytoryi
Apošnim časam janot byŭ u z-aktyvistaŭ, jakija vykarystoŭvali žyviołu dla zboraŭ na vajnu. Padobna, što ź janotam źnikli i hrošy.
29.10.2023 / 12:55
«Pra los skradzienaha z Chiersona vy jašče pačujecie. Ciapier, pavodle našych danych, jon biez našaha viedama pakinuŭ zonu praviadzieńnia SVA (tak rasijanie nazyvajuć vajnu — NN). Nu a tym, chto pachavaŭ prajekt, boh sudździa. Zdradniki zaŭsiody i dla ŭsich buduć zdradnikami», — havorycca ŭ kanale «Janot z Chiersona».
Padobna, što ź janotam źnikli i hrošy. «Na pakazanuju raniej kartku srodki skidvać nie rekamiendujem. Kudy jany buduć nakiravanyja — nieviadoma», — havorycca ŭ kanale.
Janot staŭ znakamitym paśla jaho vykradańnia padčas adstupleńnia armii RF z Chiersona. Pra skradzienuju žyviołu tady paviedamiła z-paetka Hanna Dałharova. Paźniej pisali, što žyviołu zabraŭ utrymalnik zaaparka «Tajhan» u Krymie Aleh Zubkoŭ. Jon apublikavaŭ videa kradziažu janota, a taksama łamy i asła ŭ svaim kanale. Kradziež janota na fonie adstupleńnia armii RF staŭ hučnym miemam.