Na jašče adnoj chełaŭinskaj viečaryncy ŭ ZŠA adbyłasia stralanina z achviarami
Adna žančyna zahinuła i dzieviać čałaviek atrymali ranieńni ŭ vyniku pierastrełki na viečarynie ŭ honar Chełaŭina ŭ amierykanskim Indyjanapalisie (štat Indyjana), paviedamiła CNN.
29.10.2023 / 23:18
Zdymak ilustracyjny. Fota: Daniel Scofano / vecteezy.com
Paviedamlajecca, što incydent adbyŭsia ŭ noč na 29 kastryčnika. Supracoŭniki palicyi ŭžo nakiroŭvalisia da miesca zdareńnia z-za skarhi na praviadzieńnie vialikaj viečarynki ŭ honar Chełaŭina, kali pačuli streły i ŭbačyli natoŭp, jaki bieh adtul.
Pa słovach palicyjantaŭ, adzin čałaviek, jak miarkujecca, darosłaja žančyna, zahinuła na miescy zdareńnia. Jaje asoba pakul nie ŭstanoŭlena. Jašče dzieviać čałaviek byli dastaŭlenyja ŭ balnicy, pavodle papiarednich danych, ich uzrost varjirujecca ad 16 da 22 hadoŭ. Usie paranienyja znachodziacca ŭ stabilnym stanie.
Na miescy zdareńnia było vyjaŭlena niekalki adzinak ahniastrelnaj zbroi. Niekalki čałaviek byli zatrymanyja, ciapier vyśviatlajecca ich datyčnaść da incydentu.
Raniej u tuju ž noč u horadzie Ibar-Sici (štat Fłaryda, ZŠA) padčas śviatkavańnia Chełaŭina dźvie hrupoŭki raźviazali bojku i adkryli stralbu. Heta pryviało da hibieli dvuch čałaviek i špitalizacyi jašče 18.
Čytajcie taksama:
Masavaja stralanina ŭ Fłarydzie padčas Chełaŭina. Najmienš dvoje zahinuli
«Ahidnaja instalacyja z čerapam likvidavanaja». Łukašysty pačali zmahańnie z Chełoŭinam