Aeraport Machačkały zakryli minimum da aŭtorka
Spačatku paviedamlałasia, što jon budzie zakryty da 6 listapada.
30.10.2023 / 07:59
U suviazi sa «stabilizacyjaj situacyi» ŭ aeraporcie Machačkały Rasavijacyja skaraciła pieryjad časovaha zakryćcia aeraporta adrazu na šeść dzion, da 31 kastryčnika. Pra heta viedamstva napisała ŭ svaim telehram-kanale, jak piša RBK.
«Pieryjad časovaha zakryćcia aeraporta Machačkały dla pryjomu pavietranych sudnaŭ budzie doŭžycca papiarednie da 02:59 (pa maskoŭskim časie) 31 kastryčnika. Padkreślivajem: adkryćcio aeraporta adbudziecca tolki paśla pilnaj pravierki pravaachoŭnymi orhanami aeravakzała, aeradroma i prylehłaj terytoryi», — havorycca ŭ paviedamleńni.
Raniej u Rasavijacyi kazali, što aeraport budzie zakryty da 02:59 msk 6 listapada. Pry hetym tady ŭ viedamstvie taksama ŭdakładnili, što heta papiaredniaja infarmacyja.
Praca aeraporta była parušanaja z-za dziejańniaŭ natoŭpu, jaki sabraŭsia pierad budynkam pavietranaj havani na fonie prylotu rejsa ź Izraila. Paśla praryvu na terytoryju aeraporta ludzi akružyli samalot, da miesca incydentu prybyŭ śpiecnaz. U 22:10 urad Dahiestana paviedamiŭ, što ŭ aeraporcie pracujuć siłaviki, a situacyja znachodzicca pad kantrolem. Praź jašče 10 chvilin aeradrom byŭ vyzvaleny ad starońnich.
Padčas pratestaŭ paciarpieli 20 čałaviek, uklučajučy pradstaŭnikoŭ palicyi i cyvilnych asob, paviedamlała miascovaje Ministerstva achovy zdaroŭja. Dvoje z paciarpiełych znachodziacca ŭ ciažkim stanie.
SK Rasii raspačaŭ kryminalnuju spravu pavodle art. 212 KK Rasii — masavyja biesparadki. MUS paabiacała ŭstanavić asoby ŭsich udzielnikaŭ niaŭzhodnienaj akcyi, a taksama tych, chto padbuchtorvaŭ da raspalvańnia mižnacyjanalnaj varožaści.
Čytajcie taksama:
U Dahiestanie prachodziać pratesty pad antysiemickimi łozunhami, pahromščyki ŭvarvalisia ŭ aeraport