Kiraŭnik Dahiestana abvinavaciŭ «zdradnikaŭ i banderaŭcaŭ» z Ukrainy ŭ arhanizacyi biesparadkaŭ u aeraporcie Machačkały
Ilja Panamaroŭ admaŭlaje svajo dačynieńnie da telehram-kanała «Utro Dahiestan».
30.10.2023 / 08:51
«Užo ni dla koha nie sakret, što sproby destabilizavać situacyju ŭ Dahiestanie i stvaryć pratesny fon, u tym liku z vykarystańniem zabaronienych pryjomaŭ, źviazanych z raździmańniem mižnacyjanalnaj varožaści, mižkanfiesijnych prablem, pravodziacca našymi vorahami. Vorahami, praciŭnikami našaj krainy», — zajaviŭ Siarhiej Mielikaŭ, razmaŭlajučy z žurnalistami.
Jon dadaŭ, što «siońnia my atrymali absalutna dakładnuju adkrytuju infarmacyju ab tym, što kanał «Utro Dahiestan»administrujecca, rehulujecca z terytoryi Ukrainy zdradnikami, banderaŭcami, tymi, chto nienavidzić śviatyja dla nas, tradycyjnyja rečy, jakimi my žyviem na praciahu mnohich hadoŭ».
U telehram-kanale «Utro Dahiestana», jaki zapuściŭ eks-deputat Dziarždumy Illa Panamaroŭ, 28 i 29 kastryčnika pačali źjaŭlacca paviedamleńni ab «uciekačach ź Izraila», jakija nibyta prybyvajuć na Paŭnočny Kaŭkaz.
Na fonie raspačatych antysiemickich biesparadkaŭ Panamaroŭ zajaviŭ, što ŭžo bolš za hod nie maje dačynieńnia da kanała.
Aŭtary «Utro Dahiestan» u noč na 30 kastryčnika taksama zajavili, što Illa Panamaroŭ nie źviazany z kanałam.