FIFA adchiliła eks-kiraŭnika ispanskaj fiederacyi na try hady za pacałunak
Łuisu Rubijalesu, jaki pacałavaŭ u vusny hulca Dženifier Ermosa paśla čempijanatu śvietu, zabaroniena zajmacca futbolnaj dziejnaściu na nacyjanalnym i mižnarodnym uzroŭniach.
30.10.2023 / 14:40
Momant pacałunka. Fota: Noemi Llamas / Eurasia Sport Images / Getty Images
Dyscyplinarny kamitet FIFA zabaraniŭ byłomu prezidentu Karaleŭskaj ispanskaj futbolnaj fiederacyi (RFEF) Łuisu Rubijalesu zajmacca futbolnaj dziejnaściu na nacyjanalnym i mižnarodnym uzroŭniach na try hady, paviedamlajecca na sajcie arhanizacyi.
Rubijales 20 žniŭnia, paśla finału čempijanatu śvietu ŭ Sidniei, pacałavaŭ u vusny futbalistku Dženifier Ermosa. Paśla hetaha Ermosa zajaviła, što joj heta nie spadabałasia, a paźniej nazvała siabie achviaraj seksisckaha ŭčynku bieź jakoj-niebudź zhody ź jaje boku.
Rubijales spačatku admaŭlaŭsia iści ŭ adstaŭku, ale jaho časova adchiliła FIFA, a prakuratura vystaviła jamu abvinavačańnie ŭ seksualizavanym hvałcie, jon moža atrymać da čatyroch hadoŭ turmy.
Rubijales kiravaŭ RFEF z 2018 hoda, u vieraśni jon pajšoŭ u adstaŭku.
Čytajcie taksama:
Sprava ab pacałunku. FIFA choča adchilić Rubijalesa ad futboła na 15 hadoŭ
Łuisa Rubijalesa adchilili ad futboła na čas razhladu spravy pra skandalny pacałunak
53 futbalistki admovilisia vystupać za Ispaniju z-za pacałunka kiraŭnika Fiederacyi