Prapahandysty nakałoli droŭ. Jakija siakiery i bienzapiły jany vykarystoŭvali?
U Minskim rajonie prajšoŭ druhi čempijanat pa kołcy droŭ siarod prapahandystaŭ. Na mierapryjemstvie sabrałasia bolš za tryccać kamandaŭ supracoŭnikaŭ dziaržaŭnych ŚMI. Nie abyšłosia bieź pierdzimanokla.
30.10.2023 / 20:18
Siarod udzielnikaŭ čempijanatu byŭ Ryhor Azaronak. Fota: BiełTA
«Kab nie dać źmierznuć jeŭrapiejcam»
Jak padajuć sami prapahandysty, ideja pravodzić spabornictvy pa kołcy droŭ siarod supracoŭnikaŭ dziaržaŭnych ŚMI zaradziłasia paśla taho, jak Łukašenka na kamieru siek drovy, kab nie dać źmierznuć jeŭrapiejcam. Nasamreč jeŭrapiejcy i nie mierznuć, ale Łukašenka imkniecca stvaryć u biełarusaŭ takoje ŭražańnie.
U ramkach hetaha imknieńnia i arhanizavali čempijanat, kab pravieryć, chto z prapahandystaŭ najlepš aruduje siakieraj i piłoj.
Kanfuz u tym, što supracoŭnikam dziaržSMI vydali kałuny jeŭrapiejskaha vytvorcy — finskaj marki Fiskars. U Biełarusi anałahičnych siakier nie vyrablajuć.
Fota: BiełTA
Siakiery novieńkija. Adna takaja kaštuje 222—255 rubloŭ.
Skrynšot z sajta mechanizator.by
Cikava, što anałahičnyja siakiery kitajskaj vytvorčaści možna nabyć pa cenach ad 70 da 120 rubloŭ, ale vybar čamuści paŭ na invientar, jakija vyrablajuć u krainie NATA.
Skrynšot z sajta oma.by
Miž tym isnujuć ža ajčynnyja kałuny, vyrablaje ich Viciebski zavod traktarnych zapčastak.
Skrynšot z sajta oma.by
Važyć taki 4 kh. Ën dapamahaje macavać muskuły našmat lepš za dvuchkiłahramovy finski.
Niekatorym udzielnikam spabornictvaŭ, jakija zajmali pryzavyja miescy, daryli tyja samyja siakiery Fiskars. Mahčyma, u dušy arhanizatary ŭsio ž chacieli b prasiačy akno ŭ Jeŭropu, a nie ŭ Kitaj. Zrešty, heta i lahčej: Biełaruś usio ž jeŭrapiejskaja kraina.
Fota: BiełTA
Sioleta ŭdzieł u mierapryjemstvie ŭziali 35 kamandaŭ, u tym liku i rabotniki kitajskaha infarmacyjnaha ahienctva «Sińchua».
U čempijanacie ŭdzielničali i rabotniki kitajskaha infarmacyjnaha ahienctva «Sińchua». Fota: BiełTA
Na adnym sa zdymkaŭ možna zaŭvažyć siakieru z nadpisam «I rabotaj». Napeŭna, havorka idzie pra pierafrazavanuju cytatu Łukašenki «Razdievajsia i rabotaj».
Fota: BiełTA
Bienzapiły buržujskija
Aproč załatych pavodle cany siakier finskaj vytvorčaści, na spabornictvach možna było zaŭvažyć niamieckija bienzapiły firmy Stihl.
Fota: BiełTA
Jakasnaja bienzapiła adnosicca da tradycyjnych jeŭrapiejskich kaštoŭnaściaŭ: jana kaštuje bolš za 6 tysiač rubloŭ. U Biełarusi jaje anałahaŭ nie vyrablajuć.
Skrynšot z sajta deal.by
U sacsietkach tym časam žartavali, što Ryhoru Azaronku navat finskija siakiery nie dapamahli.
Čytajcie taksama:
Kadebist — pasoł Biełarusi ŭ Karei zaniaŭ pieršaje miesca ŭ ekstremalnym zabiehu ź pieraškodami
Rasijskija vebkam-madeli vydajuć siabie za biełarusak i ŭkrainak, kab paźbiahać chejtu z-za vajny