Armija abarony Izraila vyzvaliła 19-hadovuju zakładnicu, uziatuju ŭ pałon bajevikami CHAMAS
Ory Miehidziš padčas apytańnia Słužbaj biaśpieki prademanstravała cudoŭnuju pamiać, raskazaŭšy kaštoŭnuju infarmacyju.
31.10.2023 / 08:34
Fota: pres-słužba CACHAŁ
Pres-słužba Armii abarony Izraila (CACHAŁ) i Słužba biaśpieki (ŠABAK) raspaŭsiudzili sumiesnuju zajavu, u jakoj havorycca, što padčas naziemnaj apieracyi ŭ siektary Haza była vyzvalenaja vajennasłužačaja, uziataja ŭ zakładniki bajevikami CHAMASa 7 kastryčnika.
Z pałonu vyzvalena radavaja Ory Miehidziš, jana była naziralnicaj na miažy z Hazaj.
Dziaŭčynu ahledzieli daktary, jaje stan dobry. Jana sustrełasia sa svaimi rodnymi.
«CACHAŁ i ŠABAK praciahvać prykładać namahańni dla taho, kab vyzvalić usich zakładnikaŭ, jakija ŭtrymlivajucca CHAMAS», — havorycca ŭ paviedamleńni.
CACHAŁ nie raskryvaje padrabiaznaści apieracyi, padčas jakoj była vyzvalena z pałonu Ory Miehidziš, kab «zachavać apieratyŭnyja mahčymaści». Adnak pradstaŭnik CACHAŁ Daniel Chahary paviedamiŭ, što ŭ chodzie rasśledavańnia Ory dała važnuju infarmacyju, prademanstravaŭšy dobruju pamiać. I hetaja infarmacyja budzie vykarystoŭvacca armijaj i słužbami biaśpieki ŭ dalejšym.
Pavodle paviedamleńniaŭ u ŚMI, paśla vyzvaleńnia dziaŭčyna była tajemna dastaŭlena ŭ balnicu ŭ Bieer-Ševie. Tolki paśla taho, jak jana mahła raskazać pra pieražytaje, było abvieščana pra jaje vyzvaleńnie.
Čytajcie taksama:
Nietańjachu abviaściŭ pra pačatak treciaha etapu vajny z CHAMAS
Prezident Izraila paćvierdziŭ hibiel 22-hadovaj Šani Łuk i raskazaŭ niekatoryja padrabiaznaści