Гарбуз-гігант даставілі ў Мінск. Стаў вядомы яго далейшы лёс
Самы вялікі гарбуз у краіне асцярожна транспартавалі ў кузаве пікапа.
31.10.2023 / 09:16
З Брэста ў Мінск прывезлі гіганцкі гарбуз. Проста на радасць людзям — пафарбаваць восень у аранжавы. Журналісты Tochka.by суправаджалі гарбузовы пераезд.
Цар-гарбуз важыць 480 кг. Рос на агародзе пяць месяцаў.
Першы час гародніна пастаіць у фотазоне аўтасалона «Атлант М», а пасля яе аддадуць на корм жывёлам у Мінскім заапарку.
Вырасціў гародніну ўмелы фермер Віктар Дзямешка на ўчастку ў вёсцы Лозы ў Брэсцкім раёне.
Фермер распавёў журналістам, што гарбуз урадзіўся зусім без хіміі і ГМА. Толькі спрыт рук і добрае насенне. А калі дакладней: селекцыя і агратэхніка.
Гарбуз з радаводам. Насенне — асаблівай генетычнай лініі і спецыяльнага гатунку «Атлантычны гігант».
Аранжавы здаравяка нядрэнны і на смак — салодкі. Адрэзалі кавалачак пакаштаваць.
На ўчастку фермер спявае оду гігантаманіі: побач выгадаваў сланечнікі вышынёй чатыры метры, агуркі па паўкіло.
Падкаціў маніпулятар і акуратна загрузіў гародніну ў кузаў пікапа. Гарбуз ўвайшоў дакладна па памерах.
Везлі цар-гарбуз па горадзе на пацеху жыхарам Брэста. На трасе ўвагі перформансу было яшчэ больш.
Чытайце таксама:
У Баранавічах вырасцілі бурак-волат вагой больш за 6 кілаграмаў ФОТА
Гарбуз-волат вагой паўтоны прывезлі ў Брэст на кірмаш
На Камароўцы прадаюць незвычайныя «яблыкі» — па 30 рублёў за штуку