Harbuz-hihant dastavili ŭ Minsk. Staŭ viadomy jaho dalejšy los
Samy vialiki harbuz u krainie aściarožna transpartavali ŭ kuzavie pikapa.
31.10.2023 / 09:16
Z Bresta ŭ Minsk pryvieźli hihancki harbuz. Prosta na radaść ludziam — pafarbavać vosień u aranžavy. Žurnalisty Tochka.by supravadžali harbuzovy pierajezd.
Car-harbuz važyć 480 kh. Ros na aharodzie piać miesiacaŭ.
Pieršy čas harodnina pastaić u fotazonie aŭtasałona «Atłant M», a paśla jaje addaduć na korm žyviołam u Minskim zaaparku.
Vyraściŭ harodninu ŭmieły fiermier Viktar Dziamieška na ŭčastku ŭ vioscy Łozy ŭ Bresckim rajonie.
Fiermier raspavioŭ žurnalistam, što harbuz uradziŭsia zusim biez chimii i HMA. Tolki spryt ruk i dobraje nasieńnie. A kali dakładniej: sielekcyja i ahratechnika.
Harbuz z radavodam. Nasieńnie — asablivaj hienietyčnaj linii i śpiecyjalnaha hatunku «Atłantyčny hihant».
Aranžavy zdaraviaka niadrenny i na smak — sałodki. Adrezali kavałačak pakaštavać.
Na ŭčastku fiermier śpiavaje odu hihantamanii: pobač vyhadavaŭ słaniečniki vyšynioj čatyry mietry, ahurki pa paŭkiło.
Padkaciŭ manipulatar i akuratna zahruziŭ harodninu ŭ kuzaŭ pikapa. Harbuz uvajšoŭ dakładna pa pamierach.
Vieźli car-harbuz pa horadzie na paciechu žycharam Bresta. Na trasie ŭvahi pierformansu było jašče bolš.
Čytajcie taksama:
U Baranavičach vyraścili burak-vołat vahoj bolš za 6 kiłahramaŭ FOTA
Harbuz-vołat vahoj paŭtony pryvieźli ŭ Brest na kirmaš
Na Kamaroŭcy pradajuć niezvyčajnyja «jabłyki» — pa 30 rubloŭ za štuku