Журналісты знайшлі магчымае тлумачэнне пераменаў з Максімам Мірным
Паводле інфармацыі Tribuna.com, некаторы час таму ў сілавікоў узніклі падатковыя пытанні да бацькі Максіма — Мікалая Мірнага, які курыруе працу некалькіх кампаній сямейнага бізнесу: ПУП «Мірны тэніс», ТАА «Мірны фітнес-цэнтр», ПУП «Мірны цэнтр».
31.10.2023 / 10:09
Як піша выданне, Максім Мірны жыве ў ЗША. У канцы кастрычніка 2023-га ён прыляцеў у Беларусь, да таго пра ягоныя візыты ў краіну з моманту выбараў 2020-га не паведамлялася.
У Мінску экс-тэнісіст правёў трэніроўку для дзяцей, аб чым зрабіў пасты ў Instagram з эмодзі чырвона-зялёнага сцяга.
Таксама Максім заявіў, што шкадуе аб пазіцыі, выказанай ім пасля прэзідэнцкіх выбараў 2020 года ў Беларусі. Тады ў Instagram Максіма зʼявілася пасада з заклікам спыніць гвалт у Беларусі.
Пазней гэты пост быў выдалены, што заўважылі на пачатку 2021 года.
З красавіка 2021-га экс-тэнісіст уваходзіць у камісію спартоўцаў пры алімпійскім камітэце Лукашэнкі.
Чытайце таксама: