75-hadovaja italjanka źviarnułasia ŭ sud, kab vysielić z doma svaich darosłych synoŭ
Starejšamu dziciaci žančyny 45 hadoŭ, a małodšamu — 42. Pretenzii ŭ maci ŭźnikli praz toje, što syny nie chacieli źjazdžać z baćkoŭskaha domu, ale pry tym i nie dapamahali joj pa haspadarcy, nie ŭkładvalisia ŭ siamiejny biudžet, chacia ŭ abodvuch mužčyn jość praca.
31.10.2023 / 14:23
Žančyna źviarnułasia ŭ sud, jaki staŭ na jaje bok. Jaje syny sprabavali spasłacca na italjanskaje zakanadaŭstva, pa jakim baćki pavinny padtrymlivać svaich dziaciej navat paśla paŭnalećcia. Adnak sudździa paličyła, što mužčyny ŭžo zanadta darosłyja i pavinny samastojna siabie zabiaśpiečvać. Sud abaviazaŭ ich źjechać ad maci da 18 śniežnia.
Hetaja prablema niaredkaja dla Italii. Darosłych, jakija žyvuć z baćkami, nazyvajuć bamboccioni (vialikija dzieci). Pavodle vydańnia The Guardian, u 2022 hodzie amal 70% nasielnictva krainy va ŭzroście ad 18 da 34 hadoŭ žyli z baćkami, pryčym siarod mužčyn heta sustrakajecca čaściej.