«Vierchniaja piatla pravaj častki varot adarvałasia, i varoty ŭpali na staršaha lejtenanta». Belpol daviedaŭsia pra budni «12-j armii śvietu»
Pakul łukašenkaŭskija prapahandysty ciešacca, što pavodle apytańnia tysiač nieśpiecyjalistaŭ z 36 krain biełaruskaja armija zajmaje nibyta pa svajoj mocy 12-je miesca ŭ śviecie, apieradžajučy navat jadziernyja dziaržavy, hrupa Belpol atrymała dostup da archiŭnaj statystyki zdareńniaŭ, jakija adbylisia ŭ hetaj armii ciaham adnaho miesiaca. Byłyja siłaviki, abjadnanyja ŭ hetaj inicyjatyvie, śćviardžajuć, što na ŭsiu hetuju infarmacyju majuć paćviardžalnyja dakumienty.
31.10.2023 / 19:01
Zdymak ilustracyjny. Fota: ahienctva «Vajar»
6-ja asobnaja miechanizavanaja bryhada (horad Hrodna)
U chodzie ŭstanoŭki žorstkaj sčepki pamiž BREM-Č (braniavanaja ramontna-evakuacyjnaja mašyna) i BTS-4 (husieničny braniravany ciahač), miechanik-kiroŭca BTS-4, nie zahłušyŭšy ruchavik i nie pastaviŭšy ryčah pieraklučeńnia pieradač na niejtralnaje stanovišča, adpuściŭ piedal sčapleńnia i najechaŭ na dvuch vajskoŭcaŭ, jakija apynulisia pamiž mašynaj i sčepkaj.
U vyniku najezdu praparščyk i radavy-kantraktnik atrymali spałučanyja traŭmy hałavy, hrudziej, žyvata, chrybietnika, lohkich
11-ja asobnaja miechanizavanaja bryhada (horad Słonim Hrodzienskaj vobłaści)
U chodzie pahruzki na trał BMP-2 (bajavaja mašyna piachoty), pry vyraŭnoŭvańni mašyny jana pierakuliłasia, u vyniku čaho radavy terminovaj słužby atrymaŭ ranki, padskurnyja hiematomy abiedźviuch ciemiannych abłaściej, udar pravaha łokcievaha sustava i miakkich tkanak abiedźviuch ściohnaŭ.
336-ja reaktyŭnaja artyleryjskaja bryhada (horad Asipovičy Mahiloŭskaj vobłaści)
Na zaniatku pa ahniavoj padrychtoŭcy, vykonvajučy 1-je praktykavańnie (kidańnie hranaty RHD-5), navučeniec trapiŭ hranataj u vierchniuju častku ścienki aharodžy akopa, jakaja, adskočyŭšy, upała ŭ hranataŭłoŭlivalnik. Kapitan, jaki kiravaŭ zaniatkami, zakryŭšy vajskoŭca na śpiecyjalna abstalavanaj placoŭcy, straciŭ raŭnavahu i zvaliŭsia ŭ levaje schovišča, pry hetym atrymaŭšy askołačnyja ranieńni i vybuchovuju traŭmu lohkich tkanak levaj jahadzicy i levaha ściahna.
11-ja asobnaja miechanizavanaja bryhada (horad Słonim Hrodzienskaj vobłaści)
U chodzie inžyniernaha abstalavańnia rajona zasiarodžvańnia, pry vykopvańni schovanki dla techniki z vykarystańniem PZM-2 (pałkavaja ziemlaryjnaja mašyna), dreva, jakoje znachodziłasia pablizu ścienki akopa, z-za miakkaha hruntu i mocnaha paryvu vietru ŭpała na pałatku, u jakoj znachodziŭsia vajskoviec terminovaj słužby. U vyniku vajskoviec atrymaŭ traŭmy chrybietnika. Dreva ŭpała na pałatku tamu, što jamu vykapali zanadta blizka ad jaho.
120-ja asobnaja miechanizavanaja bryhada (Uručča, horad Minsk)
U chodzie vysoŭvańnia na miažu razhortvańnia pry ŭvachodzie na pavarot darohi pierakuliłasia BRDM (braniavanaja raźviedvalna-dazornaja mašyna), u vyniku čaho małodšy siaržant, jaki prachodziŭ terminovuju słužbu, atrymaŭ spałučanyja rany pazvanočnika, taza, kaniečnaściaŭ.
Vajskovaja akademija Respubliki Biełaruś
Pieraadolvajučy niaroŭnaści darohi na zaniatkach pa kiravańni (tanka) T-72, instruktar pa kiravańni, radavy terminovaj słužby, stuknuŭsia pravym vokam ab prybor nazirańnia i atrymaŭ strasieńnie hałaŭnoha mozhu, pierałom kostak čerapa i roznyja paškodžańni voka.
120 asobnaja miechanizavanaja bryhada (Uručča, horad Minsk)
Pry vyvadzie mašyny sa schovišča vierchniaja piatla pravaj častki varot adarvałasia i varoty ŭpali na staršaha lejtenanta, u vyniku čaho jon atrymaŭ rany patyličnaj i pajaśničnaj vobłaści, pravaj halonki, udary miakkich tkanak levaha ściahna, levaj nahi i hrudnoj kletki.
2-ja inžyniernaja bryhada (hrpad Minsk)
Pry absłuhoŭvańni zapornaha prystasavańnia samazvała MAZ 551605 mižvolna ŭpaŭ draŭlany brusok, jaki ŭtrymlivaje zadni bort, u vyniku čaho radavy terminovaj słužby atrymaŭ naniesienuju bortam ranu patyličnaj častki hałavy.
Akramia taho, u toj ža pieryjad u chodzie zaniatkaŭ pa fizičnaj padrychtoŭcy vajskoŭcami atrymanyja 1 pierałom, 1 vyvich, 1 udar. Pry praviadzieńni haspadarčych rabot — 3 pierałomy i 1 kołataja rana. U pracesie absłuhoŭvańnia techniki — 1 irvanaja rana i 1 udar. Pry vykanańni zadač achoŭvańnia i patrulavańnia — 2 pierałomy i 1 ukus badziažnaha sabaki. Pry inšych abstavinach — 1 pierałom, 2 samleńni i 3 ŭdary.
Čytajcie taksama:
Prapahandysty tryumfujuć: armija Biełarusi — 12-ja ŭ śviecie. Ale jość niuans
Chrenin u Kitai zajaviŭ, što adnosiny pamiž krainami možna stavić u prykład inšym
Pozva pa SMS — jurysty tłumačać, što chočuć źmianić u zakonie. Jość važnyja momanty
Ci jość u biełaruskich hienierałaŭ płan na vypadak napadu Rasii na Biełaruś