«Adčuvaju siabie mudakom». Rasijski błohier Adahamaŭ vybačyŭsia za šavinistyčnaje vykazvańnie pra biełaruskuju movu
Učora papularny rasijski błohier Rustem Adahamaŭ niečakana vykazaŭsia nakont biełaruskaj movy. «Začiem kovierkať russkij?» — napisaŭ jon. Reakcyja aburanych biełarusaŭ była škvalnaj. Siońnia Adahamaŭ apublikavaŭ post z vybačeńniami.
01.11.2023 / 11:16
Rustem Adahamaŭ. Fota: adagamov / Facebook
«Učora čamuści zmaroziŭ hłupstva pra biełaruskuju movu, pakryŭdziŭ mnohich ludziej. Razumieju, što ničoha ŭžo nie vypravić, ale chaču paprasić prabačeńnia pierad tymi, kaho zakranuŭ svajoju durnoju zaŭvahaj. Adčuvaju siabie ahidnym mudakom. Prabačcie, nie trymajcie zła. U mianie ciažki čas u žyćci, i ja časam nie spraŭlajusia», — napisaŭ Adahamaŭ.
Častka čytačoŭ błohiera pryniała prabačeńni, častka adkazała abrazami.
«Na samaj spravie, dziakuj, što vy nam jašče raz nahadali pra «dobrych ruskich». A to hladziš, zdajecca, prystojny čałaviek, a potym adkryvaje rot — i ź jaho žachlivaje šavinistyčnaje łajno ljecca. I adrazu iluzija źnikaje!» — napisaŭ doktar Andruś Biełavieškin na rasijskaj movie.
Błohier Rustem Adahamaŭ — adzin z samych viadomych entuzijastaŭ runetu na pačatku 2000-ch. U ŽŽ jon viadomy pad nikam drugoi. Upłyŭ jaho ŭ toj čas byŭ paraŭnalny z upłyvam tyražnych ŚMI. Ciapier Adahamaŭ žyvie ŭ Prazie. Padtrymaŭ biełaruskija pratesty, na avatarcy ŭ fejsbuku ŭ jaho byŭ bčb-ściah.
Čytajcie taksama:
«Začiem kovierkať russkij?» Rasijskamu libierału apiakła voka biełaruskaja mova