Chimiki prezientavali samuju hładkuju vodaadpornuju pavierchniu
Adkryćcio maje patencyjał dla roznych halin pramysłovaści, u tym liku dla stvareńnia samaačyščalnych pavierchniaŭ i niezamiarzajučaha škła dla aŭtamabilaŭ.
04.11.2023 / 16:42
Vyjava: vecteezy
Daśledčaja hrupa ź Finlandyi pad kiraŭnictvam Sakary Lepika (Sakari Lepikko) z Aalto University raspracavała reaktar dla stvareńnia pavierchniaŭ, jakija nazyvajucca samazbornymi manapłastami (abo SAM). Hetyja manapłasty majuć pavierchniu, padobnuju da vadkaści, jakaja ŭtvarajecca z płastoŭ malekuł, kavalentna źviazanych z kavałkam kremnijevaha materyjału (prykładna hetak ža malekuły vadkaści ŭtrymlivajucca razam). Vyniki pracy daśledčykaŭ byli apublikavanyja ŭ kancy kastryčnika ŭ Nature Chemistry.
Heta značna pamianšaje treńnie pavierchni, dazvalajučy kroplam vady lohka saślizhvać ź jaje. Daśledčyki nazyvajuć hety vytvorčy praces pieršym u svaim rodzie. «Naša praca — heta pieršy raz, kali chto-niebudź pierajšoŭ niepasredna da nanamietrovaha ŭzroŭniu dla stvareńnia malekularna hieterahiennych pavierchniaŭ», — pieradaje słovy kiraŭnika daśledavańnia Gizmodo.
Jak kažuć sami navukoŭcy, hałoŭnaja prablema pakryćcia SAM u tym, što jano vielmi tonkaje — i tamu lohka raśsiejvajecca paśla fizičnaha kantaktu. Daśledčyki ŭpeŭnienyja, adnak, što dalejšaje vyvučeńnie SAM pryniasie fundamientalnyja navukovyja viedy, na asnovie jakich buduć stvoranyja pradukty praciahłaha karystańnia.
Lepika i jaho kalehi stvaryli SAM, vykarystoŭvajučy śpiecyjalny reaktar dla asadžeńnia pary — mašynu, jakaja nanosić tonkija płasty materyjałaŭ na pavierchni šlacham kandensacyi vyparanaha materyjału. U hetym vypadku praces uklučaŭ apyrskvańnie pavierchni kremniju chimičnym rečyvam, viadomym jak octyltrichlorosilane, kab stvaryć pavierchniu, padobnuju da vadkaści. Źmianiajučy kolkaść času, na praciahu jakoha kramianiovy materyjał znachodziŭsia ŭ reaktary, daśledčyki mahli zrabić SAM bolš albo mienš ślizkim.
Vyvučeńnie sposabaŭ zrabić pavierchniu bolš ślizkaj moža padacca dziŭnym zaniatkam, ale hetaje daśledavańnie maje šmat praktyčnych śfier dla ŭžyvańnia. U 2016 hodzie daśledčaja hrupa z Pennsylvania State University stvaryła pakryćcio taŭščynioj 2,5 mikrona, natchnionaje vaskovym nalotam na raślinach, jakoje dazvalaje takim hustym vadkaściam, jak kietčup i harčyca, saślizhvać z pavierchni.
Lepika adznačaje, što daśledavańni jaho kamandy taksama majuć praktyčnyja ŭłaścivaści i ŭ pierśpiektyvie mohuć pryvieści da stvareńnia pavierchniaŭ z efiektami antyabledzianieńnia i antyzapaciavańnia, a taksama samaačyščalnych pavierchniaŭ.
Čytajcie taksama:
Novaja technałohija z naniasieńniem nanatonkaha płasta zołata praduchilić zapacieńnie akularaŭ
Ekzatyčnyja materyjały, jakija zmohuć zamianić kremnij u technałohijach budučyni