«Apioki haračaj paraj tvaru, šyi, tułava, ruk i noh — stan ciažki». U Balnicy chutkaj dapamohi raskazali pra stan žančyn, jakija paciarpieli ŭ vyniku zdareńnia ŭ Oršy
Hałoŭny doktar Balnicy chutkaj dapamohi Volha Śviatlickaja raskazała pra stan dźviuch žančyn, jakija byli dastaŭlenyja siońnia ŭ reanimacyju Respublikanskaha apiokavaha centra pry BCHMD u ciažkim stanie. Jany paciarpieli pry vybuchu aŭtakłava na Aršanskim miasakambinacie.
02.11.2023 / 17:25
Fota: SK
«U abiedźviuch žančyn apioki haračaj vadkaściu i paraj tvaru, šyi, tułava, ruk i noh. 44-hadovaja žančyna maje abjom paražeńnia cieła 70%. Praktyčna adrazu va ŭmovach apieracyjnaj joj była vykanana dekampresijnaja niekrektamija. Ciapier jana znachodzicca na štučnaj vientylacyi lohkich. Jon pravodzicca miedykamientoznaja siedacyja. Jaje stan aceńvajecca jak ciažki», — raskazała Volha Śviatlickaja.
Druhaja pacyjentka — žančyna 55 hadoŭ. «Abjom paražeńnia 40%. Žančyna znachodzicca ŭ prytomnaści, razmaŭlaje. Stan aceńvajecca jak ciažki, stabilny. Abiedźvie pacyjentki byli ahledžany kansiliumam lekaraŭ z aniestezijołahaŭ-reanimatołahaŭ i chirurhaŭ-kambustyjołahaŭ, u tym liku aftalmołaham, otałarynhołaham i niejrachirurham», — dadała hałoŭnaja doktarka BCHMD.
Nahadajem, što ŭčora na Aršanskim miasakansiervavym zavodzie adbyŭsia vykid pary. Pryčynaj staŭ zryŭ viečka viertykalnaha aŭtakłava dla sterylizacyi pradukcyi ŭ kansiervavym cechu. Traŭmavanyja byli piać čałaviek.