Яўген Барышнікаў прэзентаваў на Дзяды новую песню
Твор аўтар прысвяціў сваім дзеду і бабулі.
02.11.2023 / 17:39
Беларускі музыка Яўген Барышнікаў прэзэнтаваў на Дзяды канцэртную версію сваёй аднайменнай песні з аркестрам.
Акустычная гітара гучыць у суправаджэнні сэмпліраванага аркестра са струнных, духавых і нават перкусіі, але пры гэтым без запісаных загадзя партый, усё граецца выключна ўжывую адным чалавекам.
Сама песня напісаная яшчэ ў 2008 і даўно стала адной з візітовак выканаўцы, а цяпер ў выніку эксперыментаў з MIDI-абсталяваннем атрымала абноўленае канцэртнае гучанне.
Твор аўтар прысвяціў сваім дзеду і бабулі.
Яўген Барышнікаў — музыка, тэлевядоўца, даследчык беларускай дударскай традыцыі, марскі шкіпер, лектар, лаўрэат гран-пры фестываля «Бардаўская восень 2010». Паўгода поўнамаштабнай вайны жыў і валанцёрыў ва Украіне, цяпер жыве ў Польшчы.