З'явілася відэа разгрому расійскай калоны на Вуглядарскім кірунку
Аналітыкі Deep State апублікавалі відэа разгрому калоны расійскай вайсковай тэхнікі ў раёне Нікольскага Данецкай вобласці.
02.11.2023 / 20:10
Скрын відэа
Па даных Deep State, расейскія салдаты сумарна страцілі там каля 18 адзінак тэхнікі. Сярод іх ідэнтыфікаваная паражэнне мінімум 8 танкаў і 3 МТ-ЛБ.
Прадстаўнік аператыўна-стратэгічнай групоўкі войскаў «Таўрыя « Аляксандр Штупун пацвердзіў «Украінскай праўде», што на Вуглядарскім кірунку была спроба праціўніка наступаць, але сілы абароны нанеслі расейцам цяжкія страты.
«Дзясяткі адзінак тэхнікі знішчаныя і пашкоджаныя. Агульныя лічбы страт пакуль удакладняюцца», — адзначыў афіцэр.