U Biełarusi abnavili śpis samych značnych bankaŭ
Nacbank abnaviŭ pieralik sistemna značnych bankaŭ na 2024 hod. Źjaviŭsia novy śpis i ŭstanoŭ druhoha ŭzroŭniu.
03.11.2023 / 08:47
Da samych važnych bankaŭ adnieśli Biełarusbank, Biełahraprambank, Pryjorbank, ŚbierBank i Alfa-Bank.
Tradycyjna ličycca, što vieści spravy ź pieršaj katehoryjaj ustanoŭ biaśpiečniej za ŭsio. Heta ž tyčycca i pytańnia ab zachavanaści ŭkładaŭ, piša Tochka.by.
Bank BiełVEB, Biełhazprambank, Bielinviestbank, MTBank, Bank VTB (Biełaruś) i BNB-Bank adnieśli da druhoj katehoryi ŭstanoŭ.
U paraŭnańni z 2023 hodam źmieny niaznačnyja. Miescami pamianialisia tolki Alfa-Bank i Bank BiełVEB.
Jak bank stanovicca važnym
Kab atrymać status sistemna značnaha, ustanovie treba mieć vialiki maštab dziejnaści i ciesnyja suviazi z bankami-rezidentami.
Vybranyja pavinny ŭ płyni 2024 hoda zabiaśpiečyć vykanańnie ŭmoŭ dastatkovaści narmatyŭnaha kapitału, značeńnie jakich vyznačajecca z ulikam bufiera sistemnaj značnaści.
Bank pavinien sfarmavać kamitet pa ŭznaharodžańniach na čale ź niezaležnym dyrektaram.