U parku «Suła» admianili ekskursiju pa matyvach «Dzikaha palavańnia karala Stacha». Za dzień da premjery
U parku interaktyŭnaj historyi «Vialikaje kniastva Suła» na 4-6 listapada była anansavana premjera interaktyŭnaj teatralizavanaj ekskursii pa tvory Uładzimira Karatkieviča «Dzikaje palavańnie karala Stacha». Adnak niečakana jaje admianili. «Z pryčyn, jakija ad nas nie zaležać».
03.11.2023 / 12:20
Fota: parksula.by
Infarmacyja ab admienie mierapryjemstva źjaviłasia ŭ instahram-akaŭncie parka za dzień da premjery.
Ludzi, jakija chacieli trapić na mierapryjemstva, udakładnili ŭ arhanizataraŭ, ci nie źviazana admiena ź nizkim popytam, na što ŭ parku adkazali: popyt na ekskursiju, naadvarot, byŭ vialiki.
Čytaču paviedamili ŭ parku, što spadziajucca, impreza ŭsio ž adbudziecca, ale dakładna nie ŭ hetyja vychodnyja. Nazvać novyja daty nie biarucca, rajać sačyć za anonsami.
Raniej panski majontak traplaŭ pad krytyku prapahandystaŭ. U lipieni «Vialikaje kniastva Suła» naviedvaŭ Ryhor Azaronak razam z kiraŭnikom praŭładnaj partyi «Biełaja Ruś» Aleham Ramanavym. Tady ich uvahu pryciahnuła anansavanaje śviata pad nazvaj «Hodnaść i niezaležnaść. Jak šlachta baraniła Biełaruś».
Tady prapahandysty śćviardžali, što mierapryjemstva nie adpaviadaje «ni kancepcyi histaryčnaj palityki našaj krainy, jakaja ŭžo zaćvierdžanaja», ni pasyłam Łukašenki «adnosna hetaj šlachty, Radziviłaŭ, Sapiehaŭ, Maniušak dy inšych dziejačaŭ».
Praz dva tydni pa histaryčnym parku «prajšlisia» i ŭ «Minskaj praŭdzie». Prapahandystku Dyjanu Šybkoŭskuju aburyła, naprykład, karaleŭskaja zała, nazvanaja ŭ honar karala i vialikaha kniazia litoŭskaha Stefana Batoryja, jaki tryumfalna pieramoh rasijskaha tyrana Ivana Žachlivaha ŭ Livonskaj vajnie.
Čytajcie taksama:
Aktyvisty daviedalisia, chto i kali źnios pamiatny znak u honar paŭstańnia 1863 hoda ŭ Hrodnie
Paśla danosaŭ prarasijskich aktyvistaŭ papularnamu siarod padletkaŭ błohieru Dzim Dzimyču zabaranili vystupać u škołach
«Chtości za joj staić». Čamu čynoŭniki słuchajucca Bondaravu