CHAMAS zajaviŭ pra hatoŭnaść da kampramisu pa vyzvaleńni zakładnikaŭ
U CHAMAS hatovyja vyzvalić izrailskich zakładnikaŭ u abmien na vyzvaleńnie Izrailem paleścinskich źniavolenych, zajaviŭ pradstaŭnik hrupoŭki Hazi Chamad. Pavodle źviestak Tel-Aviva, CHAMAS utrymlivaje nie mienš za 240 čałaviek u siektary Haza, piša RBK.
03.11.2023 / 12:20
Dzieci hladziać na fatahrafii izrailcian, vykradzienych CHAMAS, padčas mitynhu salidarnaści ź Izrailem i tymi, chto ŭtrymlivajecca ŭ zakładnikach u Hazie, u Buchareście (Rumynija), u čaćvier, 2 listapada. Fota: Vadim Ghirda / AP
«My chočam, kab hetyja ludzi viarnulisia dadomu. I, akramia taho, my chočam, kab našy źniavolenyja ciapier adpravilisia dadomu. Tamu ja dumaju, što ciapier my hatovyja pajści na kampramis», — skazaŭ jon.
Pavodle jaho, havorka idzie pra vyzvaleńnie jak cyvilnych asobaŭ, tak i vajskoŭcaŭ.
Chamad taksama zaklikaŭ Izrail spynić «ahresiju» suprać paleścinskaha naroda, ź jahonych słoŭ, paśla hetaha baki zmohuć razmaŭlać ab vyzvaleńni zakładnikaŭ i źniavolenych.
Pry hetym pradstaŭnik CHAMAS padkreśliŭ, što hrupoŭka maje namier «praciahvać [baraćbu] suprać akupacyi», pakolki na heta jość «zakonnaje prava».
AAN u lipieni paviedamlała, što ŭ izrailskich turmach znachodziacca 5 tysiač paleścincaŭ, u tym liku 160 dziaciej, prykładna 1100 ź ich byli zatrymanyja biez vystaŭleńnia abvinavačvańniaŭ abo suda.
Čytajcie taksama:
Izrailskaja armija zajaviła, što horad Haza akružany
Armija abarony Izraila vyzvaliła 19-hadovuju zakładnicu, uziatuju ŭ pałon bajevikami CHAMAS
Izrailskija zakładniki CHAMAS: najhoršy kašmar dla luboha ŭrada