SK zavioŭ kryminalnuju spravu pa fakcie vybuchu na Aršanskim miasakansiervavym kambinacie
U vyniku vybuchu paciarpieli piać čałaviek, dźvie žančyny ŭ reanimacyi.
03.11.2023 / 12:31
Fota: SK
Viadoma, što pry sterylizacyi hatovaj pradukcyi ŭ aŭtakłavie adbyŭsia zryŭ nakryŭki z vykidam pary, vady, a taksama mietaličnych słoikaŭ z kansiervavanaj pradukcyjaj. Cialesnyja paškodžańni atrymali piać čałaviek, jakija byli ŭ niepasrednaj blizkaści da aŭtakłava.
Siarod paciarpiełych 50-hadovy mužčyna i čatyry žančyny va ŭzroście ad 31 da 55 hadoŭ. Dźvie žančyny znachodziacca ŭ reanimacyi, adna — u ciažkim stanie.
Śledčyja praviali paŭtorny ahlad miesca zdareńnia, kanfiskavali miechanizmy kantrolu cisku i tempieratury avaryjnaha skidu pary. Viadziecca dopyt śviedkaŭ.
Raspačata kryminalnaja sprava pa č.1 art.306 (parušeńnie praviłaŭ achovy pracy) Kryminalnaha kodeksa.
Čytajcie taksama:
Na zavodzie ŭ Oršy adbyŭsia vykid pary, traŭmavanyja piaciora rabočych